THALAITE LEH THLALAKNA

-Lalkrosmawia

IV Semester, 2016

Khawvel hmasawnna leh changkannain a ken tel hrang hrang zingah tunlaia mizo \halaite’n kan atchilh leh kan buaipui pawl ber chu thlalak (Photography) hi a ni awm e.  Mizote hi hnam naupang tak leh mi tlem te mah ni ila, khawvel hmasawnna leh changkanna in nasa takin min luhchilh tawh a. Ramdang mite tih  theih leh neih ang te pawh kan lo nei chho ve ta zel bawk. Ei leh in leh khawsak kawngah pawh ram changkang zawkte nen danglamna em em hmuh tur awm tawh lo khawpin kan khawsak zia te pawh a inang hle a ni.

            Mizote hi thlalak ngaina hnam kan ni ti ngawt dawn ila engtik a\ang khan nge mizote hian thlalak hi kan lo chin ve \an a, emaw engtik a\ang khan nge Mizoramah hian thlalakna Camera hi a lo luh ve tih hi hriat mai theih chu nilo a, amaherawh chu kan thlalak hlui tarchhuah te en hi chuan kum tam tak erawh ala liam lo tih a hriat theih a ni. Mizote hian thlalak hi kan ngaina ve hle a, hmanlai deuh a\ang tawh in kan pi leh pute vanglai pawh thlalak an lo uar ve hle \hin a. Kum 50 liam ta a, thlalak lo nei pha chin chu tunlai hun a\anga ngaihtuah chuan mifing tak an nihna lai te pawh a awm a ni. Thlalak hi a hlu in a pawimawh em em a, hunliam tawh leh kal tawh hnu min hriatchhuah tirtu leh kan lo kal tawhna leh hun hmandan min lo vawn \hat sak tu a nih avangin a \angkai em em a ni.

            Kum tam a vei hnu ah tunlai hian \halaite nunah photography hian nasa takin hmun a luah tawh a, Camera DSLR man to tak tak nei hmuh tur an kat nuk tawh a ni. Heng ho zingah hian thlalak tui chilh tak tak sum lakluhnana hmangte, a \hen chu hobby anga nei sum thawhchhuahpui lem lo te, a then chu chhungkaw hrawk chawmnan a hmang te kan awm nual tawh a. Thlalak kan ngaihlut dan pawh a lo sang ve telh telh a. Thiamna lamah pawh zahpuiawmloh tak tak an lo chhuak ve zel bawk a. Ramdang hnamdang te ang chiah chuan thlalak dan hi kan kalpui lem lo a, nuam tih zawng zawng leh tuina lama thla la mai \hin kan ni a. Tunlaiah chuan wedding photography leh Fashion Photography hi kan hriatlar leh kan tuipui lam te pawh a ni ber a. Sum thawhchhuahnan pawh kan hmang nasa hle a ni. Chutih ruala ka sawi duh pakhat chu inneih thlalak bikah inneih tur lamten sum tam tak seng huamin photographer \ha tak tak te an ruai a, tin photographer-te paw’n theih tawp chhuah in an hna chu \ha tak leh mawi taka thlalak an duh a, hemi hrelo lek a, kan \hiante inneih ni a nih vangte camera kan neih vangte a, a bika rawih photographer-te chet velna dal khawp leh thlalak \ha nei theilo lek lek khawpa kan camera leh kan smartphone a thla kan lo la ve sek \hin hi chu thil pawi tak nisi lo ah chuan a bika rawih te tan a buaithlak duh phian a, kan sim a \ha hle a ni.

                    Tunlaiah ngat phei chuan Smartphone tha tak tak kan hmang deuh \hup tawh a, camera megapixel sang tak tak te rawn chhawm tel tawhin thlalak nan tak kan hmang tawh a ni.

          
   Tin, khawvel hmasawna in a ken tel social media hrang hrang heng Facebook, Whatsapp, Instagram etc ten kan nun a luah khat zo tawh a, kan thlalak te kan share zung zung theih tawh avangte pawh hian mahni thla leh thian ho ang te, pawl ho ang te thlalak kan uar nasa lehzual a.  Abik takin tleirawl lamah phei chuan tunlai hian Selfie/group-fie te chu kan thlalak duhdan leh kan hlimpui ber a ni awm e. A hmaa zakzum ve \hin tak te pawh camera kan hlau em em ta lo. Camera hma a zam vak kan tum tawh lo tlang a ni ber mai, hmasawnna \ha tak te pawh a ni ngei ang. Chutih rual chuan thlalak maksak pui pui leh mizoten hun eng emaw chen kan hmelhriat ngailoh hmuh tur lo awm ve ta neuh neuh hian thlalak kan atchilh dan leh kan tuichilh dan hi a dik lo zawngin a kal \an em ni aw a tih theih hial a ni. A bikin nula thlalak, taksa lang thui leh thawmhnaw inbel tlem apiang ten Like tu leh Comment tu a ngah bik hle, hei vanga mipui mit la thei zawnga kan thlalak \hin te hian kan nun ala ti chhe ve palh mai ang tih a hlauhawm hle a, khawvel milarte buaina anga kan buai kan buai veloh nan kan thlalak dan turah kan duhtui deuh te pawh a ngai \an hle a ang. Sum tam tak thawhchhauhpui nan a kan hmang dawn a nih lemloh chuan camera nazawng hmaah

“ aw nula lo in la sexy viau duh suh,”  tiin ka thu hi ka duhtawk a nge.